မိန်းကလေးတိုင်းအတွက် အပြင်သွားတဲ့အခါမျိုးတွေမှာ အိတ်ဆိုတာက မရှိမဖြစ်လို့ ဆိုလို့ရပါတယ်။
ဘာကြောင့်လည်းဆိုတော့ အိတ်ထဲမှာ တစ်နေ့တာအတွက် လိုအပ်တာတွေကို သယ်ဆောင်သွားပြီး စတိုင်ကျကျနဲ့လှပနေနိုင်ဖို့ လိုတာကြောင့် မိန်းကလေးနဲ့အိတ်ဆိုတာ တွဲဖက်တွေလိုတောင် ဖြစ်နေပါပြီ။
အိတ်အမျိုးအစားတွေ အများကြီးရှိတဲ့ထဲမှာ ရုံးသွားကျောင်းသွား နေ့စဉ်အသုံးပြုရတဲ့ အိတ်တွေထဲမှာဆိုရင် ပစ္စည်းတွေကို စုံစုံလင်လင်ထည့်ထားတတ်ကြတာလည်း အကျင့်တစ်ခုလိုပဲပေါ့။ဒါပေမဲ့ နေ့တိုင်းကိုင်ဆောင်နေရတဲ့ အိတ်ကလေးနေလို့တော့ မဖြစ်ဘူးလေ။ ဒီတော့ ဘယ်လိုတွေပြင်ဆင်ကြမလဲ။
အိတ်ထဲမှာရှိနေတာတွေကို သွန်ချလိုက်ပါ။ နဂိုထည့်ထားတဲ့ ပစ္စည်းတွေကို ပြန်ပြီးထုတ်ပြီး ဘာတွေလိုအပ်တယ်၊ ဘယ်အရာတွေကတော့ ရှင်းထုတ်လို့ရတယ်ဆိုတာမျိုးကို မြင်တွေ့လာရမှာပဲ ဖြစ်ပါတယ်။ အကောင်းဆုံးနည်းလမ်းကတော့ တစ်ပတ်ကိုတစ်ခါလောက် အိတ်ကိုရှင်းပေးဖို့ပါ။ အဲဒါမှာ မလိုအပ်တော့တဲ့စာရွက်တွေ၊ ဖြတ်ပိုင်းတွေနဲ့ ထုတ်ပြီးပြန်သိမ်းထားသင့်တဲ့ အရာတွေကို ဖယ်ထားနိုင်မှာပေါ့။
နောက်တစ်ခုကတော့ မိန်းကလေးတိုင်းကြုံတွေ့ရတဲ့ နှုတ်ခမ်းနီပြဿနာပါပဲ။ အစားစားပြီးသွားတဲ့အချိန်မှာ နှုတ်ခမ်းနီတွေပျက်သွားရင် ပြန်ဆိုးဖို့အတွက်ပဲဖြစ်ဖြစ်၊ လိုအပ်လာတဲ့အချိန်မှာ ပြန်ပြီးပြင်ဆင်နိုင်ဖို့အတွက် နှုတ်ခမ်းနီတွေကို အိတ်ထဲမှာဆောင်ထားတတ်ပါတယ်။ ဒီလိုနေရာမှာ မိန်းကလေးတော်တော်များများက နှုတ်ခမ်းနီကို တစ်မျိုးထဲ အီတ်ထဲထည့်ပြီး မဆောင်ထားပဲ ကြိုက်တဲ့အရောင်တိုင်းကို ဆောင်ထားတာပါပဲ။ ဒါက အိတ်ကို ပိုပြီးတော့ လေးလံစေတာကြောင့် အဝတ်အစားတိုင်းနဲ့ လိုက်ဖက်မယ့် နှုတ်ခမ်းနီကိုပဲ အိတ်ထဲထည့်ထားသင့်ပါတယ်။
စတိုင်ကျပြီး အသုံးဝင်စေမယ့် အိတ်အမျိုးအစားများ
ဘာလိုအပ်တယ်ဆိုတာကို သေချာစဉ်းစားတတ်ဖို့ကလည်း အရေးကြီးပါတယ်။ လိုအပ်မယ်ထင်တဲ့ အရာတိုင်းကို အိတ်ထဲမှာ ထည့်ထားမယ်ဆိုရင် သယ်ရတာ ပိုလေးတာပဲရှိမှာပေါ့။ တစ်နေ့တာ ဖြတ်သန်းရတဲ့အချိန်မှာ နေ့တိုင်းအတွက်အသုံးလိုတဲ့ အရာမျိုးတွေကိုပဲ ရွေးချယ်ပြီး ထည့်ထားမယ်ဆိုရင် အကောင်းဆုံးပဲပေါ့။
မကြာခဏအိတ်ကိုလဲပေးပါ။ အပေါ်မှာ ပြောထားခဲ့သလိုပဲ တစ်ပတ်ကိုတစ်ခါလောက် အိတ်ကို ရှင်းထုတ်ပေးရမယ်ဆိုတာက ဒီနည်းလမ်းနဲ့လည်း ဆက်စပ်မှုရှိနေတယ်လို့ ဆိုလို့ရပါတယ်။ နှစ်ပတ်ကိုတစ်ခါလောက်ပဲဖြစ်ဖြစ်၊ တစ်ပတ်ကိုတစ်ခါပဲဖြစ်ဖြစ် အိတ်ကို ပြောင်းပြီးကိုင်မယ်ဆိုရင်တော့ ပစ္စည်းတွေအပြောင်းအရွေ့လုပ်ရတာကြောင့် မလိုအပ်တာတွေကို ကောင်းကောင်းဖယ်ထုတ်နိုင်သွားတာပေါ့။
နေ့တိုင်းနေ့တိုင်းမှာ သွားလာလှုပ်ရှားနေရတဲ့ ပျိုမေတို့အနေနဲ့ ဒီလိုမျိုးအိတ်နဲ့ပတ်သက်တဲ့ အရာမျိုးတွေကို မသိထားဘူးဆိုရင် လေးလံလွန်းတဲ့ အိတ်တွေကြောင့် ဖြတ်သန်းရတဲ့နေ့ရက်တွေကလည်း ပေါ့ပေါ့ပါးပါး မရှိနေတော့ဘူးပေါ့။ ဒါကြောင့် ဒီအချက်တွေကို သေချာလေ့လာပြီး ပြင်ဆင်ဖို့ ကြိုးစားကြည့်လိုက်ပါနော်။
Source:my style
